News
ဆီထံးကီၢ်ဆၣ် နီၣ်ဂံၢ် (၁) တီၤထီကၠိ တၢ်က့ၤစးထီၣ်ကဒါက့ၤကၠိ ဒီး တၢ်ကီတၢ်ခဲလၢ တၢ်ဘၣ်ကွၢ်ဆၢၣ်မဲၥ် တဖၣ်
ဆီထံးကီၢ်ဆၣ် နီၣ်ဂံၢ် (၁) တီၤထီကၠိ တၢ်က့ၤစးထီၣ်ကဒါက့ၤကၠိ ဒီး တၢ်ကီတၢ်ခဲလၢ တၢ်ဘၣ်ကွၢ်ဆၢၣ်မဲၥ် တဖၣ်ဒ့ၣ်ညါလါလီၤ ၂ သီ, ၂၀၂၁ နံၣ်, သူလ့ၤတၢ်ကစီၣ်ဖဲလါယူၤ ၂ သီ, ၂၀၂၁ နံၣ် ကီၢ်ရ့ၣ်ချၢၣ်လွံၢ်ထူၣ် ဆီထံးကီၢ်ဆၣ် နီၣ်ဂံၢ် (၁) တီၤထီကၠိအံၤ တၢ်က့ၤစးထီၣ် တူၢ်လိၥ်ပှၤမၤလိတၢ်ဖိသ့ၣ်တဖၣ် လၢ ၂၀၂၁-၂၀၂၂ တၢ်မၤလိနံၣ် န့ၣ်လီၤ. ကၠိအံၤ လၢအပူၤကွံၥ် မ့ၢ်ဒၣ်တီၤဖုၣ်ကၠိ ဒီး တဆီဘၣ်တဆီ ကဲထီၣ်ဆူ တီၤခၢၣ်သးကၠိ န့ၣ်လီၤ. ကီၢ်ဆၣ်, သုးရ့ၣ်, ကရူၢ်, ဒူသဝီခိၣ်နၢ်တဖၣ် အတၢ်ကျဲးစၢး ပၥ်ဖှိၣ်မၤသကိးအဃိ ဖဲ ၂၀၁၂ နံၣ်န့ၣ် နီၣ်ဂံၢ် (၁) ကၠိအံၤ တၢ်သုးထီၣ်က့ၤအီၤ အပတီၢ်ဆူ တီၤထီကၠိ န့ၣ်လီၤ.နီၣ်ဂံၢ် (၁) တီၤထီကၠိအံၤ တၢ်က့ၤအိးထီၣ်ကဒါက့ၤအီၤ ဒ်သိး ဖိဒံဖိသၣ်တဖၣ် ကမၤလိဘၣ်တၢ် အဂီၢ်န့ၣ်လီၤ. လၢတၢ်က့ၤစးထီၣ်ကဒါက့ၤကၠိအံၤ တၢ်ဂ့ၢ်ကီလၢ ကဘၣ်ကွၢ်ဆၢၣ်မဲၥ်တဖၣ် မ့ၢ်ဝဲ လံၥ်လဲၢ်, ကၠိပီးလီတဖၣ်, ဒီး ကၠိသရၣ်/သရၣ်မုၣ်တဖၣ် တလၢတလီၣ်ဒံး စ့ၢ်ကီးဘၣ်န့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖ... ...
News
လါမ့ၤကတီၢ်ပူၤ ဒုၣ်ဒါအတၢ်ဖ့ၣ်ဆၢ ဒီး မၤဘၣ်ဒိ ပှၤဂ့ၢ်ဝီခွဲးယၥ် လၢမုၢ်တြီၢ်ကီၢ်ရ့ၣ်ပူၤ
လါယူၤ ၂ သီ, ၂၀၂၁ နံၣ် စးထီၣ်လၢ လါမ့ၤ (၁) သီတုၤ (၃၁) သီ အနံၤ ဒုၣ်ဒါပယီၤ လၢအဟဲအိၣ်ဆီလီၤအသးလၢ မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤ ဃုၥ်ဒီး (BGF) သုးခိးကီၢ်ဆၢသ့ၣ်တဖၣ် ဟူးဂဲၤဒီး မၤပျံၤမၤဖုးဝဲ ပှၤကမျၢၢ် လၢကျဲအါမံၤ အါကလုၥ်န့ၣ်လီၤ. ပသ့ၣ်ညါဘၣ်လၢ ဒုၣ်ဒါပယီၤသ့ၣ်တဖၣ် ဟူးဂဲၤဒီး မၤပျံၤမၤဖုးဝဲ ကမျၢၢ်လၢကျဲအါမံၤ အါကလုၥ်အဖီခိၣ် ဒုၣ်ဒါသုးရ့ၣ် ဒ်အမ့ၢ် (စကခ-၈-ခမရ -၄၀၂ -၄၃၀ -၄၃၄) ဒီး (အရှေ့တောင်ပိုင်း တိုင်းစစ်ဌာနချုပ်) ဃုၥ်ဒီး (BGF) သုးရ့ၣ်နီၣ်ဂံၢ် ဒ်အမ့ၢ် (၁၀၁၁- ၁၀၁၂- ၁၀၁၃- ၁၀၁၄) သ့ၣ်တဖၣ် ခးလီၤဝဲကျိဖးဒိၣ်ဆူ ကမျၢၢ်ထံဖိကီၢ်ဖိ တၢ်ဖံးအီၣ်မၤအီၣ်အလီၢ် အိၣ်ဝဲအါအါဂီၢ်ဂီၢ်န့ၣ်လီၤ. လါမ့ၤဒီတလါအတီၢ်ပူၤ တၢ်မၤလီၤတံၢ်က့ၤ ဒုၣ်ဒါအတၢ်ခးလီၤဝဲ ကျိဖးဒိၣ်ဆူ ကမျၢၢ်တၢ်ဖံးအီၣ်မၤအီၣ်လီၢ် ခဲလၢၥ်အိၣ်ဝဲ (၆၀) ဖျၢၣ်ခိၣ်ဃၢၤ ပၥ်ဃုၥ်ဝဲဒီး ကဘီယူၤ အတၢ်ဟဲခးလီၤကျိဖးဒိၣ် (၈) ဖျၢၣ်န့ၣ်လီၤ. ပသ့ၣ်ညါဘၣ်စ့ၢ်ကီးဖဲ (၃.... ...
News
သုးလၢဟံးန့ၢ်ဆူၣ် တၢ်စိတၢ်ကမီၤ ပျၢ်ကွံၥ်ယၤ ဘၣ်ဆၣ် ယလီၤဂၥ်ဒ် "ဆီလၢအအိၣ်လၢ ရှီးအပူၤ တဂၤအသိး" နီၢ်အ့ကၠၣ် စံးဝဲ
လါမ့ၤ ၃၁ သီ, ၂၀၂၁ နံၣ်, သူလ့ၤတၢ်ကစီၣ်ဖဲလါမ့ၤ (၂၇) သီနံၤ နီၢ်အ့ကၠၣ် လၢအတအိၣ်ဒီး တၢ်ကမၣ်တဂၤ တၢ်ဖီၣ်အီၤဒီး ဘၣ်တၢ်ပျၢ်ကွံၥ်အီၤန့ၣ်လီၤ. တကတီၢ်ဃီ နီၢ်အ့ကၠၣ် စံးဝဲ "သုးလၢဟံဆူၣ် တၢ်စိတၢ်ကမီၤတဖၣ် ပျၢ်ကွံၥ်ယၤ ဘၣ်ဆၣ် ခဲအံၤယလီၤဂၥ်ဒ် ဆီလၢအအိၣ်လၢ ရှီးအပူၤတဂၤ န့ၣ်လီၤ."တၢ်သံကွၢ် မၤလီၤတံၢ်က့ၤ တၢ်ကစီၣ်အဖီခိၣ် နီၢ်အ့ကၠၣ် စံးဝဲ "ယနၢ်ဟူ ယထွံၣ်မီၤတၢ် ကဘၣ်ဖဲလါမ့ၤ (၂၄) သီဂီၤခီ (၅း၀၀) နၣ်ရံၣ် ဃၣ်ဃၣ် ယကွၢ်လီၤ ယဟံၣ်ခီၣ်ထံး ယထံၣ် ပယီၤသုး ဟံဆူၣ်တၢ်စိတၢ်ကမီၤ အသုးတဖၣ် ဟဲတုၤယဒၢးခီၣ်ထံး နီၣ်ဂံၢ်ကအိၣ် (၅၀) ဒီး (၆၀) ဃၣ်ဃၣ်" န့ၣ်လီၤ."ယသံကွၢ်အီၤ သုဟဲဖီၣ်ယၤ တၢ်ဂ့ၢ်မနုၤလဲၣ်. ဒီး စံးဆၢယၤ လၢတမ့ၢ် သါဟဲဖီၣ်ယၤဘၣ် မ့ၢ်သါဟဲကိး သမံသမိးယၤလီၤ. ဘၣ်ဆၣ် ယကွၢ်အဝဲသ့ၣ်တဖၣ် ယဆိမိၣ်စ့ၢ်ကီးလၢ ဘၣ်မနုၤအဃိ ဟဲပသံး သုးအါအါဂီၢ်ဂီၢ် ဒီး ဃိထီၣ်ယကူယကၤ, ယဆ့ယယၣ် လၢယဒၢး (ဟံၣ်) ဒီတဖျၢၣ် ဒီး စံးစ့ၢ်ကီးဝဲ လၢယပၥ်ခူသူၣ် ပှၤကညီ, ဃုစ့ၢ်ကီး လံၥ်လဲၢ် လၢအဘၣ်ထွဲဒီး ထံရ... ...
News
မဲၤဝ့ၤ ပယီၤသုးအပှၤတဖၣ် ခးဝဲသဝီဖိတဂၤ လၢကျိ
လါမ့ၤ ၃၀ သီ, ၂၀၂၁နံၣ်, သူလ့ၤတၢ်ကစီၣ်ဖဲလါမ့ၤ ၂၈ သီ, ၂၀၂၁ နံၣ် အနံၤ ဟါခီ ၂း၀၀ နၣ်ရံၣ်အဆၢကတီၢ် ပယီၤသုးနီၣ်ဂံၢ် လၢအမ့ၢ် ခလရ (၉၇) အိၣ်မဲၤဝ့ၤသုးကလၢၤတဒူၣ် ခးဝဲကမျၢ်ၢတဂၤ လၢအမ့ၢ် စီၤညံၣ်ညံၣ်သၣ် ဖဲအဟဲက့ၤခီဂၥ်ဝဲ ပယီၤသုးကလၢၤအမဲၥ်ညါ အဆၢကတီၢ် ခးဝဲဒီးကျိ အါအါဂီၢ်ဂီၢ် ဒီး အတၢ်ဘၣ်ဝဲအစုခံကပၢၤလၢၥ် ဒီး အတၢ်ဘၣ်ကၢ်ဝဲ အစုတကပၤန့ၣ်လီၤ.ဒ်န့ၣ်အသိး ပယီၤသုးတဖုအံၤ ဖဲအဟဲအိၣ်ဖဲ သုးကလၢၤတဖျၢၣ်အံၤ ဒီး ဟူးဂဲၤဝဲဒၣ်လၢ ကျဲအါဘိ ဒ်အမ့ၢ် ဟံးန့ၢ်ဆူၣ်ဝဲ ကမျၢၢ်တၢ်ဖိတၢ်လံၤ, ခးလီၤဝဲကျိဖးဒိၣ်ဆူ ကမျၢၢ်အဒူသဝီ, တၢ်ဖံးအီၣ်မၤအီၣ်အလီၢ် ဒီး ခးစ့ၢ်ကီးဝဲ ကမျၢၢ်လၢကျိ အဂ့ၢ်န့ၣ် လီၢ်ကဝီၤတၢ်ကစီၣ် စံးဝဲဒၣ်န့ၣ်လီၤ.ပသ့ၣ်ညါဘၣ်လၢ ပယီၤသုးအတၢ်ဟူးတၢ်ဂဲၤ ဒ်အမ့ၢ် တၢ်မၤထီဒါဝဲ ကမျၢၢ်ထံဖိကီၢ်ဖိ တၢ်ခွဲးတၢ်ယၥ် ဒ်သိးအံၤတဖၣ်န့ၣ် ကဲထီၣ်တ့ၢ်အသးလၢ တၢ်လီၢ်အါတီၤ ဖဲမုၢ်တြီၢ်ကီၢ်ရ့ၣ် သုးက့ ၅ အပူၤ တလီၢ်လီၢ်အဃိ ကဲထီၣ်တၢ်ကီတၢ်ခဲ အကလုၥ်ကလုၥ်လၢ ကမျၢၢ်ထံဖိကီၢ်ဖိတဖၣ် ကလဲၤဖံးအီၣ်မ... ...
News
ပယီၤသုး အသိလ့ၣ် ဘၣ်တၢ်ခးအီၤဖဲ ကူဆ့း ဒီး မးထီ အဘၢၣ်စၢၤ
လါမ့ၤ ၃၀ သီ, ၂၀၂၁ နံၣ်ဖဲလါမ့ၤထီၣ် ၂၉ သီ, ၂၀၂၁ နံၣ်အနံၤ အဆၢကတီၢ် ပယီၤသုးအသိလ့ၣ် (၁၁) ခိၣ် လၢအဟဲထီၣ်ဆှၢတၢ်အီၣ် ဒီး ကသံၣ်ကသီ အကလုၥ်ကလုၥ်တဖၣ် ဖဲဖၣ်ပူၣ်သုးကလၢၤတဖၣ် ဖဲအက့ၤလီၤကဒါက့ၤလၢကျဲ အဆၢကတီၢ် ဖဲ ကူဆ့း ဒီး မးထီၣ် အဘၢၣ်စၢၤ အဆၢကတီၢ် တၢ်ဘၣ်သဂၢၢ်ခးလိၥ်သး အိၣ်ထီၣ်လၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် ဒီး ပယီၤသုးတဖၣ် အဘၢၣ်စၢၤ တၢ်ဒုးကဲထီၣ်ဝဲ (၂) ဘျီ ဒီး ပယီၤသုးတဖၣ် ခးဝဲဒၣ်ကျိ အါအါဂီၢ်ဂီၢ် အဂ့ၢ်န့ၣ် လီၢ်ကဝီၤ ပှၤဘၣ်မူဘၣ်ဒါတဂၤ စံးဝဲဒၣ်န့ၣ်လီၤ.ဒ်န့ၣ်အသိး တၢ်ဘၣ်သဂၢၢ်ခးလိၥ်သး ကဲထီၣ်အဆိကတၢၢ်တဘျီ ဖဲဂီၤခီ ၇း၂၅ မံးနံး အဆၢကတီၢ် ပယီၤသုးအသိလ့ၣ် က့ၤလီၤဝဲ (၄) ခိၣ် ဒီး တၢ်ဘၣ်သဂၢၢ်ခးလိၥ်သး ကဲထီၣ်ဝဲဒီး ပယီၤသုးအသိလ့ၣ် ဟးဂီၤဝဲ (၂) ခိၣ် ဒီး အဂၤ (၂) ခိၣ် စ့ၢ်ကီး ဘၣ်ဟးဂီၤဝဲ အမၢ်သ့ၣ်တဖၣ်လီၤ. မၤကဒီးဖဲ ဟါလီၤခီ အဆၢကတီၢ် ပယီၤသုးအသိလ့ၣ် လၢအအိၣ်တ့ၢ် (၇) ခိၣ် စ့ၢ်ကီး က့ၤလီၤကဒီးဝဲအဃိ တၢ်ဒုးကဲထီၣ်ဒီးဝဲတဘျီ ဒီး ပယီၤသုးတကပၤ အသိလ့... ...
News
ပယီၤသုး ဆှၢအါထီၣ်တၢ်အီၣ်အဃိ တၢ်ဘၣ်သဂၢၢ်ခးလိၥ်သး အိၣ်ထီၣ်ဝဲ
လါမ့ၤ ၂၈ သီ, ၂၀၂၁ နံၣ်, သူလ့ၤတၢ်ကစီၣ်ဖဲလါမ့ၤ ၂၈ သီ, ၂၀၂၁ နံၤဂီၤခီ ၈း၄၀ မံးနံး ဆၢကတီၢ် ပယီၤသုး ဆှၢအါထီၣ်ဝဲ တၢ်အီၣ်ဒ်သိး ကဆှၢန့ၢ်အသုးကလၢၤ လၢအိၣ်ဆီလီၤအသးဖဲ မုၢ်တြီၢ်ကီၢ်ရ့ၣ်, လူၤသီကီၢ်ဆၣ်, ခ့ပူၤဟီၣ်ကဝီၤပူၤ အိၣ်ဟဲခီဝဲထံ ဖဲမုၢ်က့ၣ်ထၣ်, ကီၣ်ထၢၣ်ဒၢ ဟီၣ်ကဝီၤ အခါ တၢ်ဘၣ်သဂၢၢ်ခးလိၥ်သး အိၣ်ထီၣ်ဝဲ ဒီး ဂၢၤသးသုးရ့ၣ် (၁) န့ၣ်လီၤ.တၢ်ဘၣ်သဂၢၢ်လိၥ်သး အိၣ်ထီၣ်အဖီခိၣ် ပသ့ၣ်ညါဘၣ်လၢ ပယီၤသုးတကပၤ သံဝဲ ၂ ဂၤ, မ့မ့ၢ်တၢ်ဘၣ်ဒိဘၣ်ထံးတခီ ပတသ့ၣ်ညါဘၣ် ဒီး မ့မ့ၢ်လၢဂၢၤသးသုးရ့ၣ် (၁) တကပၤ တၢ်ဘၣ်ဒိဘၣ်ထံး တအိၣ်ဘၣ်န့ၣ်လီၤ.ပယီၤသုး ဆှၢအါထီၣ်တၢ်အီၣ်အဖီခိၣ် သုးခိၣ်စီၤကွဲၤဝါ စံးဝဲ "ပသ့ၣ်ညါဘၣ်လၢ ပယီၤသုးတဖၣ် အဲၣ်ဒိးဟူးဂဲၤအါထီၣ်ဝဲအဃိ မၤအါထီၣ်ဆှၢအါထီၣ်ဝဲ တၢ်အီၣ်တၢ်အီ ကိးမုၢ်နံၤဒဲး လၢလူၤသီကီၢ်ဆၣ် ဟီၣ်ကဝီၤပူၤန့ၣ်လီၤ."ပယီၤသုးတဖၣ် အဲၣ်ဒိးဂုၥ်န့ၢ်ဆူၣ် ဝဲထံဖိကီၢ်ဖိ, ပှၤထူလံၤဖိတဖၣ် အတၢ်လီၢ်တၢ်ကျဲ ဒီး အဲၣ်ဒိးပၢဆူၣ်ပၢဆိးဝဲ ထံဖိကီၢ်ဖိအဃိ ဆှၢအါထီၣ်ဝဲ... ...