ဖဲဟီၣ်ခိၣ်ဒီဖျၢၣ်သးစၢ်အမုၢ်နံၤန့ၣ် တၢ်ရဲၣ်ကျဲၤမၤဝဲ တၢ်သ့ၣ်နီၣ်ထီၣ် ဒီး မၤလၤကပီၤက့ၤ သးစၢ်မၤထူရၤတဖၣ် ဒီး တၢ်မၤဝဲ သးစၢ်တၢ်တၢၣ်ပီၣ်တဲသကိးအမူး

ဖဲဟီၣ်ခိၣ်ဒီဖျၢၣ်သးစၢ်အမုၢ်နံၤန့ၣ် တၢ်ရဲၣ်ကျဲၤမၤဝဲ တၢ်သ့ၣ်နီၣ်ထီၣ် ဒီး မၤလၤကပီၤက့ၤ သးစၢ်မၤထူရၤတဖၣ် ဒီး တၢ်မၤဝဲ သးစၢ်တၢ်တၢၣ်ပီၣ်တဲသကိးအမူး

၂၀၂၄ နံၣ်, အါကီးကူး ၁၃ သီ, ကညီသးစၢ်ကရၢ-လီၢ်ခၢၣ်သး

ဖဲ လါအီကူး ၁၂ သီအနံၤန့ၣ် မ့ၢ်ဝဲ ဟီၣ်ခိၣ်ဒီဖျၢၣ်သးစၢ်အမုၢ်နံၤန့ၣ်လီၤ. လၢမုၢ်နံၤအံၤန့ၣ် တၢ်ရဲၣ်ကျဲၤမၤဝဲ တၢ်သ့ၣ်နီၣ်ဒီးမၤလၤကပီၤက့ၤ သးစၢ်မၤထူရၤတဖၣ်လၢ အဟ့ၣ်လီၤသးလၢ ကညီတၢ်ပၢၢ်ဆၢအပူၤမ့ၢ်ဂ့ၤ, နွ့ၤအူတၢ်ပၢၢ်ဆၢအပူၤတဖၣ်မ့ၢ်ဂ့ၤ ဒီး တၢ်ရဲၣ်ကျဲၤမၤဝဲ သးစၢ်တၢ်တၢၣ်ပီၣ်တဲသကိးဖဲ ကညီသးစၢ်ကရၢ လီၢ်ခၢၣ်သး န့ၣ်လီၤ.

တၢ်ရဲၣ်တၢ်ကျဲၤဘျီဝဲအံၤအပူၤ သးစၢ်ခိၣ်နၢ်ခဲလၢၥ်ဟဲထီၣ်ဝဲ ၁၀၀ ဘျဲၣ်န့ၣ်လီၤ. သးစၢ်ခိၣ်နၢ်လၢအဟဲထီၣ်တဖၣ်မ့ၢ်ဝဲ ကညီသးစၢ်ကရၢ လီၢ်ခၢၣ်သးခိၣ်နၢ်တဖၣ်, ကညီသးစၢ်ကရၢ ကီၢ်ရ့ၣ် ဒီး ကီၢ်ဆၣ်ခိၣ်နၢ်တဖၣ် ဒီး သးစၢ်တၢ်ကရၢကရိဒ်အမ့ၢ် ABSDF, YNS, ALP ဒီး လံၤဆူသးစၢ်တဖၣ် ဟဲထီၣ်ဝဲဒၣ်န့ၣ်လီၤ.

လါအီကူး ၁၂ သီန့ၣ် မ့ၢ်ဝဲ ဟီၣ်ခိၣ်ဒီဖျၢၣ်သးစၢ်အမုၢ်နံၤအသိး မ့ၢ်စ့ၢ်ကီး ကညီဒီကလုၥ်မၤထူရၤမုၢ်နံၤအဃိ တၢ်ရဲၣ်တၢ်ကျဲၤတဖၣ် ဘၣ်တၢ်မၤအီၤလၢ ဟါလီၤခီ ဒီး ဟါခီအဆၢကတီၢ်န့ၣ်လီၤ.