လါစဲးပထ့ဘၢၣ် ၉ သီ ၂၀၂၃ နံၣ်, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ်, လၢၢ်ဝါသဝီန့ၣ် ဖဲ ၂၀၂၃ နံၣ် လါစဲးပထ့ဘၢၣ် ၉ သီ ဂီၤခီ ၈း၃၀ မံးနံးအဆၢကတီၢ်န့ၣ် တၢ်စးထီၣ်မၤလၤကပီၤဝဲ ကညီဒီကလုၥ်ပၢၤကီၢ်သုးမုၢ်နံၤ ပှဲၤထီၣ် ၃၂ နံၣ်မူးအတၢ်ရဲၣ်တၢ်ကျဲၤ န့ၣ်လီၤ.

တၢ်မၤလၤကပီၤမူးအတၢ်ရဲၣ်တၢ်ကျဲၤတဘျီအံၤ ပှၤလၢအတီခိၣ်ရိၣ်မဲတၢ်တဖၣ် မ့ၢ်ဝဲ သုးခိၣ်ဂီၢ်ဂ့ၢ် စီၤတၢ်ဒိၣ်ထူ ဒီး သုးခိၣ်ဂီၢ်ဂ့ၢ် စီၤလါဟ့သ့ၣ်တဖၣ်န့ၣ်လီၤ. လၢတၢ်မၤလၤကပီၤ မူးအတၢ်ရဲၣ်တၢ်ကျဲၤတဘျီအံၤ ချၢၣ်လွံၢ်ထူၣ်ကီၢ်ရ့ၣ်, ကီၢ်ရ့ၣ်ခိၣ်နၢ်တဖၣ်, ကီၢ်ဆၣ်ခိၣ်နၢ်တဖၣ်, ကီၢ်ရ့ၣ်ပၢၤကီၢ်ခိၣ်နၢ်တဖၣ်, ဝဲၤကျိၤဝဲၤဒ့ခိၣ်ပှၤဘၣ်မူဘၣ်ဒါတဖၣ်, Wisdom ကၠိ ကၠိဖိမုၣ်ခွါတဖၣ် ဒီး လၢၢ်ဝါသဝီ ကၠိဖိမုၣ်ခွါ ဃုၥ်ဒီးကမျၢၢ်တဖၣ် ခဲလၢၥ်အဂၤ (၉၀) ဘျဲၣ် ဟဲထီၣ်မၤလၤကပီၤဝဲ မူးအတၢ်ရဲၣ်တၢ်ကျဲၤတဘျီအံၤန့ၣ်လီၤ.