ကီၢ်ရ့ၣ်တဖၣ်
ချၢၣ်လွံၢ်ထူၣ်ကီၢ်ရ့ၣ် မူကီၢ်ဆၣ် ပှၤဂ့ၢ်ဝီကရၢ ဟ့ၣ်လီၤတၢ်မၤစၢၤလၢ ကမျၢၢ်လၢအဘၣ်ကီဘၣ်ခဲတဖၣ် အဂီၢ်
လါစဲးပထ့ဘၢၣ် ၁၄ သီ, ၂၀၂၁ နံၣ်
ခီဖျိ ခိဝံး-၁၉ တၢ်ဆါအဆၢကတီၢ် ဒီး ထံလီၢ်ကီၢ်ပူၤ တၢ်တမုၥ်တခုၣ်ဘၣ်အဃိ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, မူကီၢ်ဆၣ် ဟီၣ်ကဝီၤ ကမျၢၢ်တဖၣ် ဘၣ်ကွၢ်ဆၢၣ်မဲၥ်ဝဲ ဒီး တၢ်ဂ့ၢ်ကီ အကလုၥ်ကလုၥ်န့ၣ်လီၤ. လၢတၢ်န့ၣ်အဃိ ချၢၣ်လွံၢ်ထူၣ်ကီၢ်ရ့ၣ် လီၢ်ကဝီၤ ပှၤဂ့ၢ်ဝီကရၢတဖၣ် ဟ့ၣ်လီၤဝဲတၢ်ဆီၣ်ထွဲမၤစၢၤလၢ ကမျၢၢ်လၢအလိၣ်ဘၣ်တၢ်မၤစၢၤတဖၣ် ဒ်အမ့ၢ် ဟံၣ်ဒူတဒူၣ် ဘုသးတနၥ် န့ၣ်လီၤ.
တၢ်မၤစၢၤအံၤ တၢ်ဟ့ၣ်လီၤဝဲဒၣ်လၢ ဒူသဝီကမျၢၢ် လၢအမၤမုၢ်ဆ့ၣ်အီၣ်မုၢ်ဂီၤတဖၣ်, ကမျၢၢ်လၢအဘၣ်ကွၢ်ဆၢၣ်မဲၥ် ဒီး ဂံၢ်ခီၣ်ထံး တၢ်အီၣ်မိၢ်ပှၢ် တလၢတလီၣ်ဘၣ်တဖၣ် န့ၣ်လီၤ. ခီဖျိလၢ ခိဝံး-၁၉ ဒီး ထံလီၢ်ကီၢ်ပူၤ တၢ်အိၣ်သးတဂ့ၤဘၣ်အဃိ ကမျၢၢ်ဘၣ်ကီဘၣ်ခဲသ့ၣ်တဖၣ်အံၤအဂီၢ် လီၢ်ကဝီၤပှၤဂ့ၢ်ဝီကရၢ တီခိၣ်ရိၣ်မဲဒီး ဃုန့ၢ်ဝဲ တၢ်ဆီၣ်ထွဲမၤစၢၤ ဒီး ဟ့ၣ်လီၤဝဲ တၢ်ဆီၣ်ထွဲမၤစၢၤတဖၣ်အံၤဆူ ကမျၢၢ်လၢအလိၣ်ဘၣ် တၢ်ဆီၣ်ထွဲမၤစၢၤတဖၣ် အံၤန့ၣ်လီၤ. တၢ်ဆီၣ်ထွဲမၤစၢၤဝဲ ဟံၣ်ဒူၣ်တဒူၣ် ဘုသး ၁ နၥ် ဒီး တၢ်ဆီၣ်ထွဲမၤစၢၤဝဲ ဟ့ၣ်ဒူၣ်ခဲလၢၥ် အိၣ်ဝဲ ၁၀၀၀ ဒူၣ်အဂ့ၢ်န့ၣ် ချၢၣ်လွံၢ်ထူၣ်ကီၢ်ရ့ၣ် ပှၤဂ့ၢ်ဝီကရၢ ခိၣ်နၢ်ဘၣ်မူဘၣ်ဒါ တဂၤပၥ်ဖျါဝဲန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
