ကီၢ်ရ့ၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ရဲၣ်ကျဲၤမၤဝဲ တၢ်ကတိၤ ကိၤလၤဝါကျိၥ်တၢ်သိၣ်လိ ဝံၤဝဲအဂ့ၢ်
၂၀၂၁ နံၣ် လါမ့ၤ ၆ သီ, သူလ့ၤတၢ်ကစီၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢ်ၢဒိၣ်ကီၢ်ဆၣ်, ကွံလါကရူၢ်, ပဲၤဖိခံသဝီ န့ၣ် တၢ်ရဲၣ်ကျဲၤမၤဝဲ တၢ်ကိၢ်ခါ တၢ်ကတိၤကိၤလၤဝါကျိၥ် တၢ်မၤလိတခါ စးထီၣ်ဖဲ လါအ့ဖြ့ၣ် ၂၈ သီ တုၤလၢ လါမ့ၤ ၅ သီ, လၢ ၂ နွံ အတီၢ်ပူၤန့ၣ်လီၤ. တၢ်မၤလိတဘျီအံၤ သရၣ်လၢအသိၣ်လိတၢ် အိၣ်ဝဲ ၂ ဂၤ ဒီး ပှၤမၤလိတၢ်ဖိခဲလၢၥ် အိၣ်ဝဲ ၂၃ ဂၤန့ၣ်လီၤ.
ခီဖျိ မီၤစိရိၤ လၢအဟံးန့ၢ်ဆူၣ် ထံကီၢ်တၢ်စိတၢ်ကမီၤ အသုးတဖၣ် ဟဲဆှၣ်ကွၢ်တၢ်ဒီး ကဘီယူၤ ခဲအံၤခဲအံၤအဃိ တၢ်ဘၣ်ယိၢ်ဘၣ်ဘှီအိၣ်ဝဲ ဘၣ်ဆၣ် တၢ်မၤလိတခီ တၢ်ကျဲးစၢးမၤဝဲ ဒီး ဝံၤဝဲဂ့ၤဂ့ၤဘၣ်ဘၣ်န့ၣ်လီၤ. တၢ်ရဲၣ်ကျဲၤဒုးအိၣ်ထီၣ် တၢ်မၤလိအံၤ မ့ၢ်ဒ်သိး ဖိဒံဖိသၣ်သ့ၣ်တဖၣ် ကသ့ကတိၤကိၤလၤဝါကျိၥ် ဒီး အသုတအိၣ်တ့ၢ်လၢ ပှၤလီၢ်ခံတဂ့ၤအဂီၢ် တၢ်ပညိၣ်ဒုးအိၣ်ထီၣ် တၢ်မၤလိအံၤန့ၣ်လီၤ. "တၢ်မၤလိဒ်အံၤ လၢအပူၤကွံၥ်နံၣ်တဖၣ် တၢ်မၤအီၤအိၣ်ဝဲအဃိ တနံၣ်အံၤစ့ၢ်ကီး တၢ်ကျဲးစၢးရဲၣ်ကျဲၤ ဒုးအိၣ်ထီၣ်ကဒီးအီၤ န့ၣ်လီၤ. ခီဖျိဟဲသိၣ်လိဘၣ်တၢ်ဒ်အံၤအဃိ ကဲထီၣ်ဝဲ တၢ်မၤဘျူးက့ၤ ပကညီကလုၥ် တၢ်မၤတခါလီၤအဂ့ၢ်န့ၣ်" သရၣ်သိၣ်လိတၢ်မၤလိတဂၤ စံးဝဲဒၣ်န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
