ကီၢ်ပဒိၣ် ခံခီခံကပၤ တၢ်အၢၣ်လီၤဆဲးစုမုၢ်ကျၢၢ်လၢ (NCA) လံၥ်ဃံးဃၥ် အဖီခိၣ် ကမျၢၢ်တၢ်ပၥ်ဃုၣ်ပၣ်၈ီၢ်ကအါထီၣ်အဂီၢ် ပှၤဂ့ၢ်ဝီကရၢ တၢ်ပၥ်ဖှိၣ်ဒုးအိၣ်ထီၣ်တၢ်ရဲၣ်တၢ်ကျဲၤ

လါအီးကထိဘၢၣ် (၁၉) သီး ၂၀၂၀
ဖဲလါအီးကထိဘၢၣ် (၁၉) သီ လၢၢ်ဒိၣ်ကီၢ်ဆၣ် ပှၤဂ့ၢ်ဝီကရၢ ပၥ်ဖှိၣ်ထီၣ်အသးဒီး (CIDKP) ဒီး ဒုးအိၣ်ထီၣ်ဝဲ တၢ်ရဲၣ်တၢ်ကျဲၤလၢအမ့ၢ် တၢ်လီၤဒုးသ့ၣ်ညါနၢ်ပၢၢ် ကမျၢၢ်ဒူသဝီဖိတဖၣ် ဘၣ်ဃး ကီၢ်ပဒိၣ်ခံခီခံကပၤလၢၥ် အတၢ်အၢၣ်လီၤတူၢ်လိၥ် တၢ်ပတုၥ်တၢ်ခး လံၥ်ဃံးဃၥ် (NCA) ဘၣ်ထွဲဒီး (Bilateral) အဂ့ၢ် ဆူ လၢၢ်ဒိၣ်ကီၢ်ဆၣ် ဒူသဝီသ့ၣ်တဖၣ် အပူၤန့ၣ်လီၤ. တၢ်ရဲၣ်တၢ်ကျဲၤအံၤ မ့ၢ်ဒ်သိး ကမျၢၢ်ဒူသဝီဖိတဖၣ် ကသ့ၣ်ညါဘၣ်ဝဲ ခိၣ်နၢ်ခံခီခံပၤလၢၥ် အတၢ်ဂဲၤလိၥ်လၢ တၢ်မုၥ်တၢ်ခုၣ်ကအိၣ်ထီၣ်အဂီၢ် တၢ်စးထီၣ်အီၤလၢ တၢ်ပတုၥ်တၢ်ခးဒီး တၢ်အၢၣ်လီၤတူၢ်လိၥ် တဲသကိး ထံရူၢ်ကီၢ်သဲးအဖီခိၣ် ကမျၢၣ်ဒူသဝီဖိတဖၣ် ကဘၣ်နုၥ်လီၤပၣ်ဃုၥ်ပၣ်ဂီၢ်လၢ သနၢၣ်ဖဲလဲၣ်တသနၢၥ်န့ၣ် ကမျၢၢ်ဒူသဝီဖိတဖၣ် ကသ့ၣ်ညါဒီး နုၥ်လီၤပၣ်ဃုၥ်ပၣ်၈ီၢ် ကသ့အဂီၢ်န့ၣ်လီၤ. ဒူသဝီလၢ တၢ်လီၤဟ့ၣ်တၢ်သ့ၣ်ညါနၢ်ပၢၢ် တၢ်လီၢ် (၃) တီၤ လၢအမ့ၢ်ဝဲ ၀ဲးလၣ်တီကရူၢ်, ပဒဲကီကရူၢ်, မၣ်ပံၤကရူၢ် သ့ၣ်တဖၣ်န့ၣ်လီၤ. တၢ်လီၤဟ့ၣ်တၢ်သ့ၣ်ညါနၢ်ပၢၢ် ဘၣ်ထွဲတၢ်ပတုၥ်တၢ်ခး လံၥ်ဃံးဃၥ်အံၤ တၢ်ပညိၣ်အီၤလၢ လံၥ်ဃံးဃၥ်အပူၤ တၢ်ကွဲးပၥ်လီၤဝဲ ဖဲအဆၢဒိၣ် (၃) အဆၢဖိ (၅) (က) (ဂ) ဒီး (ဃ) တၢ်ဂ့ၢ်ကွဲးပၥ်လီၤအသးသ့ၣ်တဖၣ် ဒီး (Bilateral) ကီၢ်ပဒိၣ် ခံခီခံကပၤ အတၢ်အၢၣ်လီၤ (၁၁) သ့ၣ်တဖၣ်န့ၣ်လီၤ. တကတီၢ်ဃီ လၢတကီၢ်ခါတၢ်အိၣ်သးခဲအံၤ (Covid-19) တၢ်ဆါအၢဟဲနုၥ်လီၤကတီၢ် ကမျၢၢ်ဒူသဝီဖိတဖၣ် ကအိၣ်လၢ တၢ်ဒီသဒၢလီၤသး အကျိၤအကျဲဘၣ်ဘၣ် အဂီၢ် ပှၤဂ့ၢ်ဝီကရၢအံၤ လီၤဟ့ၣ်ဝဲတၢ်သ့ၣ်ညါနၢ်ပၢၢ် လၢတၢ်ဒီသဒၢသး ကျိၤကျဲအပတီၢ်သ့ၣ်တဖၣ် န့ၣ်လီၤ. တၢ်ရဲၣ်တၢ်ကျဲၤအံၤ ဘၣ်တၢ်မၤအီၤ လၢအပူၤဖျဲးဒီး ကီၢ်ပဒိၣ် ခံခီခံကပၤ တၢ်ပၥ်လီၤတၢ်သိၣ်တၢ်သီတၢ်ဘျၢ လၢ (Covid-19) တၢ်ဆါအၢအဂီၢ် ဒီး ဒ်လီၢ်ကဝီၤဒူသဝီဖိတဖၣ် တၢ်ပၥ်လီၤတၢ်သိၣ်တၢ်သီ တၢ်ဘျၢအသိးန့ၣ်လီၤ.