Notice
ကီၢ်ရ့ၣ်တဖၣ်
လီၢ်ကဝီၤ ပှၤဂ့ၢ်ဝီကရၢ နုၥ်လီၤမၤစၢၤ ဒူသဝီကမျၢၢ်ဖိတဖၣ် လၢကီၢ်ရ့ၣ် ချၢၣ်လွံၢ်ထူၣ် ဟီၣ်ကဝီၤ
၂၅-၆-၂၀၂၀, သူလ့ၤတၢ်ကစီၣ်
ဖဲ ၂၀၂၀ နံၣ် လါယူၤ ၂၄ သီအနံၤ ချၢၣ်လွံၢ်ထူၣ်ကီၢ်ရ့ၣ် လီၢ်ကဝီၤပှၤဂ့ၢ်ဝီကရၢတဖၣ် ပၥ်ဖှိၣ်ထီၣ်အသးဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ် အပှၤဘၣ်မူဘၣ်ဒါသ့ၣ်တဖၣ် နုၥ်လီၤမၤစၢၤဝဲ ဒူသဝီကမျၢၢ်လၢ အအိၣ်ဖဲ လၢၢ်ဒိၣ်ကီၢ်ဆၣ် ကွံလါကရူၢ် ဟီၣ်ကဝီၤပူၤ သ့ၣ်တဖၣ်န့ၣ်လီၤ.
တၢ်ရဲၣ်တၢ်ကျဲၤဘျီဝဲအံၤ ဘၣ်တၢ်တီခိၣ်ရိၣ်မဲအီၤလၢ ချၢၣ်လွံၢ်ထူၣ်ကီၢ်ရ့ၣ် လီၢ်ကဝီၤပှၤဂ့ၢ်ဝီကရၢတဖၣ်, ပၥ်ဖှိၣ်မၤသကိးတၢ်ဒီး လၢၢ်ဒိၣ်ကီၢ်ဆၣ် ပှၤဘၣ်မူဘၣ် ဒါသ့ၣ်တဖၣ် ဒီး မၤစၢၤဝဲ တၢ်အီၣ်မိၢ်ပှၢ် ဒ်အမ့ၢ် ဟုသး (၉၈) ထၢၣ် ဆူကမျၢၢ်လၢ အဘၣ်ကွၢ်ဆၢၣ်မဲၥ်ဒီး တၢ်အီၣ်တၢ်အီ တၢ်ဂ့ၢ်ကီလၢ (Covid-19) အဆၢကတီၢ်န့ၣ်လီၤ. လီၢ်ကဝီၤပှၤဂ့ၢ်ဝီကရၢတဖၣ်အံၤ ဆီၣ်ထွဲမၤစၢၤဝဲ ဒူသဝီကမျၢၢ်လၢ အလိၣ်ဘၣ်တၢ်ဆီၣ်ထွဲမၤစၢၤတဖၣ် အိၣ်လံ (၃) ဘျီလံန့ၣ်လီၤ.
ခီဖျိလၢ (Covid-19) တၢ်ဆါအၢအံၤ တပတုၥ်ကွံၥ်အသးလၢ ကီၢ်ပယီၤပူၤဒံးဘၣ်အဃိ ကီၢ်ပယီၤပဒိၣ် တတြူၢ်ကွံၥ်ဝဲ တၢ်သိၣ်တၢ်သီလၢ အထုးထီၣ်တ့ၢ်ဝဲတဖၣ် ဘၣ်န့ၣ်လီၤ. ဒ်န့ၣ်အသိး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ စ့ၢ်ကီး တၢ်သိၣ်တၢ်သီလၢ တၢ်ထုးထီၣ်တ့ၢ်အီၤတဖၣ် တၢ်တတြူၢ်ကွံၥ်ဝဲဒံးဘၣ်အဃိ လီၢ်ကဝီၤ ကမျၢၢ်ဖိလၢ အမၤမုၢ်ဆ့ၣ်အီၣ်မုၢ်ဂီၤတဖၣ် ဘၣ်ကွၢ်ဆၢၣ်မဲၥ်ဝဲဒီး တၢ်ဂ့ၢ်ကီ အကလုၥ်ကလုၥ်န့ၣ်လီၤ.
လီၢ်ကဝီၤပှၤဂ့ၢ်ဝီကရၢတဖၣ်အံၤ အိၣ်ဒီး တၢ်ရဲၣ်တၢ်ကျဲၤလၢ ကပၥ်ဖှိၣ်မၤသကိးတၢ်ဒီး ကီၢ်ရ့ၣ်အပှၤဘၣ်မူဘၣ်ဒါတဖၣ် ဒ်သိးကဃုသကိးကျဲ လၢကဆီၣ်ထွဲမၤစၢၤ ဒူသဝီကမျၢၢ် လၢအဘၣ်ကွၢ်ဆၢၣ်မဲၥ်ဒီး တၢ်အီၣ်တၢ်အီ အတၢ်ဃံးတၢ်စ့ၤ ဖဲလၢ (Covid-19) တၢ်ဆါအၢ အဆၢကတီၢ်တုၤလီၤလၢ တၢ်ဆါအံၤ ပတုၥ်ကွံၥ်အသးလၢ ကီၢ်ပယီၤပူၤတစုန့ၣ်လီၤ.
ဒ်ကီၢ်ပယီၤ တၢ်အိၣ်ဆူၣ်အိၣ်ချ့ကရၢ အတၢ်ပၥ်ဖျါအသိး ကီၢ်ပယီၤအံၤ တၢ်စးထီၣ်ထံၣ်န့ၢ် ပှၤလၢအဘၣ်ကူဘၣ်ဂၥ်ဒီး (Covid-19) တၢ်ဆါအၢအံၤ ဖဲလါမး ၂၃ သီ ၂၀၂၀ နံၣ် ဒီး ဖဲ ၂၀၂၀ နံၣ် လါယူၤ ၂၄ သီအနံၤ ကီၢ်ပယီၤပူၤ ပှၤလၢအဘၣ်ကူဘၣ်ဂၥ်ဒီးတၢ်ဆါအံၤ အိၣ်လံ (၂၉၂) ဂၤ ဒီး ဘျါကွံၥ်ဝဲ (၂၀၈) ဂၤဒီး သံဝဲလၢတၢ်ဆါအံၤအဃိ အိၣ်ဝဲ (၆) ဂၤန့ၣ်လီၤ.
ဖဲ ၂၀၂၀ နံၣ် လါယူၤ ၂၄ သီအနံၤ ချၢၣ်လွံၢ်ထူၣ်ကီၢ်ရ့ၣ် လီၢ်ကဝီၤပှၤဂ့ၢ်ဝီကရၢတဖၣ် ပၥ်ဖှိၣ်ထီၣ်အသးဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ် အပှၤဘၣ်မူဘၣ်ဒါသ့ၣ်တဖၣ် နုၥ်လီၤမၤစၢၤဝဲ ဒူသဝီကမျၢၢ်လၢ အအိၣ်ဖဲ လၢၢ်ဒိၣ်ကီၢ်ဆၣ် ကွံလါကရူၢ် ဟီၣ်ကဝီၤပူၤ သ့ၣ်တဖၣ်န့ၣ်လီၤ.
တၢ်ရဲၣ်တၢ်ကျဲၤဘျီဝဲအံၤ ဘၣ်တၢ်တီခိၣ်ရိၣ်မဲအီၤလၢ ချၢၣ်လွံၢ်ထူၣ်ကီၢ်ရ့ၣ် လီၢ်ကဝီၤပှၤဂ့ၢ်ဝီကရၢတဖၣ်, ပၥ်ဖှိၣ်မၤသကိးတၢ်ဒီး လၢၢ်ဒိၣ်ကီၢ်ဆၣ် ပှၤဘၣ်မူဘၣ် ဒါသ့ၣ်တဖၣ် ဒီး မၤစၢၤဝဲ တၢ်အီၣ်မိၢ်ပှၢ် ဒ်အမ့ၢ် ဟုသး (၉၈) ထၢၣ် ဆူကမျၢၢ်လၢ အဘၣ်ကွၢ်ဆၢၣ်မဲၥ်ဒီး တၢ်အီၣ်တၢ်အီ တၢ်ဂ့ၢ်ကီလၢ (Covid-19) အဆၢကတီၢ်န့ၣ်လီၤ. လီၢ်ကဝီၤပှၤဂ့ၢ်ဝီကရၢတဖၣ်အံၤ ဆီၣ်ထွဲမၤစၢၤဝဲ ဒူသဝီကမျၢၢ်လၢ အလိၣ်ဘၣ်တၢ်ဆီၣ်ထွဲမၤစၢၤတဖၣ် အိၣ်လံ (၃) ဘျီလံန့ၣ်လီၤ.
ခီဖျိလၢ (Covid-19) တၢ်ဆါအၢအံၤ တပတုၥ်ကွံၥ်အသးလၢ ကီၢ်ပယီၤပူၤဒံးဘၣ်အဃိ ကီၢ်ပယီၤပဒိၣ် တတြူၢ်ကွံၥ်ဝဲ တၢ်သိၣ်တၢ်သီလၢ အထုးထီၣ်တ့ၢ်ဝဲတဖၣ် ဘၣ်န့ၣ်လီၤ. ဒ်န့ၣ်အသိး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ စ့ၢ်ကီး တၢ်သိၣ်တၢ်သီလၢ တၢ်ထုးထီၣ်တ့ၢ်အီၤတဖၣ် တၢ်တတြူၢ်ကွံၥ်ဝဲဒံးဘၣ်အဃိ လီၢ်ကဝီၤ ကမျၢၢ်ဖိလၢ အမၤမုၢ်ဆ့ၣ်အီၣ်မုၢ်ဂီၤတဖၣ် ဘၣ်ကွၢ်ဆၢၣ်မဲၥ်ဝဲဒီး တၢ်ဂ့ၢ်ကီ အကလုၥ်ကလုၥ်န့ၣ်လီၤ.
လီၢ်ကဝီၤပှၤဂ့ၢ်ဝီကရၢတဖၣ်အံၤ အိၣ်ဒီး တၢ်ရဲၣ်တၢ်ကျဲၤလၢ ကပၥ်ဖှိၣ်မၤသကိးတၢ်ဒီး ကီၢ်ရ့ၣ်အပှၤဘၣ်မူဘၣ်ဒါတဖၣ် ဒ်သိးကဃုသကိးကျဲ လၢကဆီၣ်ထွဲမၤစၢၤ ဒူသဝီကမျၢၢ် လၢအဘၣ်ကွၢ်ဆၢၣ်မဲၥ်ဒီး တၢ်အီၣ်တၢ်အီ အတၢ်ဃံးတၢ်စ့ၤ ဖဲလၢ (Covid-19) တၢ်ဆါအၢ အဆၢကတီၢ်တုၤလီၤလၢ တၢ်ဆါအံၤ ပတုၥ်ကွံၥ်အသးလၢ ကီၢ်ပယီၤပူၤတစုန့ၣ်လီၤ.
ဒ်ကီၢ်ပယီၤ တၢ်အိၣ်ဆူၣ်အိၣ်ချ့ကရၢ အတၢ်ပၥ်ဖျါအသိး ကီၢ်ပယီၤအံၤ တၢ်စးထီၣ်ထံၣ်န့ၢ် ပှၤလၢအဘၣ်ကူဘၣ်ဂၥ်ဒီး (Covid-19) တၢ်ဆါအၢအံၤ ဖဲလါမး ၂၃ သီ ၂၀၂၀ နံၣ် ဒီး ဖဲ ၂၀၂၀ နံၣ် လါယူၤ ၂၄ သီအနံၤ ကီၢ်ပယီၤပူၤ ပှၤလၢအဘၣ်ကူဘၣ်ဂၥ်ဒီးတၢ်ဆါအံၤ အိၣ်လံ (၂၉၂) ဂၤ ဒီး ဘျါကွံၥ်ဝဲ (၂၀၈) ဂၤဒီး သံဝဲလၢတၢ်ဆါအံၤအဃိ အိၣ်ဝဲ (၆) ဂၤန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
