လီၢ်ကဝီၤ တၢ်ဒုးကစီၣ်

လါမ့ၤ ၂၈ သီ, ၂၀၂၁ နံၣ်
ဖဲ ၂၆ သီ ၂၀၂၁ နံၣ်အနံၤ ဟါခီ ၂း၅၃ မံးနံးအဆၢကတီၢ် ပယီၤသုးကလၢၤ အိၣ်ကိကိၣ်ထၣ်, ဘျီကၠိသုးကလၢၤတဖၣ် ခးလီၤကျိဖးဒိၣ်ဆူ မဲၢ်ပးဟီၣ်ကဝီၤပူၤ လၢအမ့ၢ် ဝီခွဲးဒိၣ်, ဝီခွဲးဖိ ဒီး ဆၣ်လီၤကၠိတဖၣ်အပူၤ (၉) ဖျၢၣ်န့ၣ်လီၤ.
မၤကဒီးဖဲ လါမ့ၤ (၂၇) သီ, ၂၀၂၁ နံၣ်အနံၤ (BGF) အသိလ့ၣ် ဟဲထီၣ်ဆှၢတၢ်အီၣ်ဖဲ (BGF) ၁၀၁၄ သုးဝဲၤလီၢ်ခိၣ်သ့ၣ် ဖဲသၣ်ဂီၤပျ့ၤ (၆) ပၣ်သိလ့ၣ် (၂) ခိၣ်, (၄) ပၣ်သိလ့ၣ် (၃) ခိၣ်န့ၣ်လီၤ. တနံၤဃီအတီၢ်ပူၤ ဖဲဂီၤ ၁၁း၀၀ အဆၢကတီၢ် လၢပယီၤသုးဒီးကရ့ၣ်နံၣ်သုးတဖၣ် အဘၢၣ်စၢၤ တၢ်ဒုးကဲထီၣ် (၂) ဘျီဒီး ပယီၤသုးတကပၤ သံဝဲ (၁၂) ဂၤ ဒီး လၢလွဲၢ်ကီၣ်တကပၤစ့ၢ်ကီး ပယီၤသုးဆှၢအါထီၣ်ဝဲ အသုးဂံၢ်ဘါ အါထီၣ်ဝဲဒၣ် အဂ့ၢ်န့ၣ် လီၢ်ကဝီၤတၢ်ကစီၣ် ပၥ်ဖျါဝဲဒၣ်န့ၣ်လီၤ.
ပသ့ၣ်ညါဘၣ်ကဒီး ဖဲလါမ့ၤ ၂၇ သီ, ၂၀၂၁ နံၣ် အနံၤဂီၤခီ ၁၀း၄၅ မံးနံးအဆၢကတီၢ် ပယီၤသုးအိၣ် ကူဆ့း လဲၤထီၣ် (ဝ့ၤဆၤ) ဘၣ်သဂၢၢ်ခးလိၥ်သးဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးရ့ၣ် (၁၀၂) ထုးအီၤဒီးပဲပျိၢ်ပျီ ၂ ဘိ ဖဲကူဆံး ဒီး ဝ့ၤဆၤ အဘၢၣ်စၢၤ လၢအမ့ၢ် သးဟီခိၣ်တိၤ ဘၣ်ဆၣ်တၢ်ဘၣ်ဒိဘၣ်ထံးတခီ တၢ်တသ့ၣ်ညါလီၤတံၢ်အီၤဒံးဘၣ် န့ၣ်လီၤ.