Kler Lwee Htu Civilian flee from Burmese Army

လါယနူၤအါရံၤ ၁၈ သီ ၂၀၂၁
ဖဲ လါယနူၤအါရံၤ (၁၇) သီ ကီၢ်ပယီၤပဒိၣ်သုး ခးသီၣ်ကျိ ဒီး မၤပျံၤမၤဖုးတၢ်အဃိ ဒူသဝီကမျၢၢ်ဖိတဖၣ် (ဃဲဒၢကရူၢ်ကမျၢၢ်တဖၣ်) ဘၣ်ဃ့ၢ်အိၣ်လၢ ခိခိၣ်ပှၢ်လၢ်ကျါန့ၣ်လီၤ.
ဖဲ (၁၇) သီ ဟါ ၅း၀၈ မံးနံး ဆၢကတီၢ် ကီၢ်ပယီၤပဒိၣ်သုး လၢအအိၣ်ဖဲ သွ့ဘိပျီ, အံသၣ်ပျီ တဖၣ် ခးလီၤကျိဖးဒိၣ် အါန့ၢ် (၃၀) ဖျၢၣ် ဒီး ကျိဖိတခီ ခးဝဲဒီတနၤအဃိ ဒူသဝီကမျၢၢ်ဖိတဖၣ် ဘၣ်ဃ့ၢ်အိၣ်လၢ ခိခိၣ်ပှၢ်လၢ်ကျါ န့ၣ်လီၤ.
ဃဲဒၢကရူၢ်သဝီဖိ လၢဘၣ်သုးလီၢ်သုးကျဲ ဃ့ၢ်စံၣ်အိၣ်လၢ ခိခိၣ်ပှၢ်လၢ်ကျါတဖၣ်  ပၣ်ဃုၥ်ဝဲ ကၠိသရၣ်မုၣ် (၈) ဂၤ, ကၠိသရၣ် (၂) ဂၤ, ကၠိဖိ (၈၅) ဂၤ ဒီး ဒူသဝီကမျၢၢ်ဖိတဖၣ် ပှၤခဲလၢၥ်အိၣ်ဝဲ (၁၈၅) ဂၤန့ၣ်လီၤ. ကၠိဖိတဖၣ် လၢတၢ်ပျံၤတၢ်ဖုးအဖီခိၣ် ဘၣ်ပတုၥ်ကွံၥ်တၢ်ထီၣ်ကၠိ ဒီး ဘၣ်ဃ့ၢ်သုးလီၢ်သုးကျဲဆူ တၢ်လီၢ်အဂၤန့ၣ်လီၤ.
ဖဲ (၁၈) သီဟါ ၂း၂၂ မံးနံး ဆၢကတီၢ် ကီၢ်ပယီၤပဒိၣ်သုးတဖၣ် ဟဲထီၣ်ဆူ ဃဲဒၢကရူၢ် ၀ဲၤဒၢး ဒီး ခးသီၣ်ဝဲကျိ ကတံၥ်တၥ် (ယံၥ်) ဝဲ (၂) နၣ်ရံၣ် ဃၣ်ဃၣ် ဒီးထီၣ်ဝဲဆူ ဒူသဝီကမျၢၢ်ဖိတဖၣ် အိၣ်တၢ်အလီၢ်န့ၣ်လီၤ.
ကတီၢ်အံၤ လၢတၢ်ဃ့ၢ်သုးလီၢ်သုးကျဲဆူ တၢ်လီၤအဂၤအဖီခိၣ် ဒူသဝီဖိတဖၣ် ဘၣ်ကွၢ်ဆၢၣ်မဲၥ်ဒီး တၢ်ဆူးတၢ်ဆါတၢ်ဂ့ၢ်ကီ, တၢ်အီၣ်တၢ်အီတၢ်ဂ့ၢ်ကီ တကတီၢ်ဃီ တၢ်အိၣ်တၢ်ဆိးတၢ်ဂ့ၢ်ကီတဖၣ် အိၣ်ထီၣ်ဝဲဒၣ်န့ၣ်လီၤ.