Notice
ကီၢ်ရ့ၣ်တဖၣ်
ချၢၣ်လွံၢ်ထူၣ်ကီၢ်ရ့ၣ်ပူၤ ခီဖျိထံဒိၣ်ဒီးဘုဟးဂုၥ်ဟးဂီၤအဃိ ထံဖိကီၢ်ဖိလၢ ကက့ၤသူၣ်လီၤကဒါဘုသ့ၣ်တဖၣ်အဂီၢ် ချၢၣ်လွံၢ်ထူၣ်ကီၢ်ရ့ၣ် စံၥ်ပှဲၤသူၣ်ဖျးဝဲၤကျိၤ ဟ့ၣ်လီၤဝဲဘုချံ
၂၀၂၄ နံၣ်, လါစဲးပထ့ဘၢၣ် ၂၁ သီ, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် ဟီၣ်ကဝီၤပူၤ ဖဲ လါယူၤလံ ၂၁ သီ တုၤ ၂၈ သီအနံၤန့ၣ် မူခိၣ်စူၤထံဒိၣ်အဃိ ထံလုၢ်ဘၢဝဲသဝီခဲလၢၥ် ၂၆၁ ဖျၢၣ် ဒီးပှၤထူစံၥ်ဖိခဲလၢၥ် (၄၃၃၀) ဂၤအစံၥ်လီၢ်လီၤဘၢ ဒီး စံၥ်လီၢ်အ့ၣ်ကၢၣ် (၃၉၇၃၄.၇၆) အကျါ စံၥ်လီၢ်အ့ကၢၣ် (၂၀၈၉၇.၂၁) အ့ကၢၣ် ဘုဟး ဂီၤဝဲဒၣ်န့ၣ်လီၤ.
ပှၤထူစံၥ်ဖိလၢ အစံၥ်ပူၤဘုဟးဂီၤသ့ၣ်တဖၣ် ဒ်သိးကက့ၤသူၣ်လီၤကဒါဘု ကသ့အဂီၢ် ချၢၣ်လွံၢ်ထူၣ်ကီၢ်ရ့ၣ် စံၥ်ပှဲၤသူၣ်ဖျးဝဲၤကျိၤ တီခိၣ်ရိၣ်မဲဒီး လီၤထၢဝဲစရီအဖီ ခိၣ် စံၥ်လၢတၢ်ကဘၣ်က့ၤသူၣ်လီၤကဒါက့ၤဘုန့ၣ် ခဲလၢၥ်အိၣ်ဝဲ (၄၀၅.၈) အ့ၣ်ကၢၣ် ဒီး ဘုချံလိၣ်ဝဲ (၁၂၁၉) နၥ် ဒီး စဲးသိလိၣ်ဝဲ (၈၁၂) ကၣ်လၣ် န့ၣ်လီၤ.
၂၀၂၄ နံၣ် လါစဲးပထ့ဘၢၣ် ၁၉ သီ မူခိၣ်စူၤထံဒိၣ် အခီၣ်ထံးတဘျီအဃိ စံၥ်ပူၤဘုဟးဂုၥ်ဟးဂီၤအဖီခိၣ် ချၢၣ်လွံၢ်ထူၣ်ကီၢ်ရ့ၣ် စံၥ်ပှဲၤသူၣ်ဖျးဝဲၤကျိၤ ဟ့ၣ်လီၤဝဲ ဘုချံလၢ ပှၤထူစံၥ်ဖိလၢ အလိၣ်ဘၣ်ဘုချံတဖၣ်န့ၣ်လီၤ.
၂၀၂၄ နံၣ် လါစဲးပထ့ဘၢၣ် ၁၀ သီအနံၤ မူခိၣ်စူၤထံဒိၣ် ခံဘျီတဘျီအဃိ စံၥ်ပူၤဘုဟးဂုၥ်ဟးဂီၤဝဲ အိၣ်အါထီၣ်န့ၣ်လီၤ. ထံလုၢ်ဘၢတၢ်အနီၣ်ဂံၢ်နီၣ်ဒွးစရီ ဘုဟးဂုၥ်ဟးဂီၤစရီတဖၣ် ချၢၣ်လွံၢ်ထူၣ်ကီၢ်ရ့ၣ် စံၥ်ပှဲၤသူၣ်ဖျးဝဲၤကျိၤ မၤနီၣ်ဝဲ စရီအဖၢမုၢ်ဒံးန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
