Notice
လီၢ်ခၢၣ်သး
ကညီသးစၢ်ကရၢ လီၢ်ခၢၣ်သး ခီကရဲး (၆) ဝီတဝီ ၀ံၤအလီၢ်ခံ နံၣ်ကတၢၢ်တၢ်အိၣ်ဖှိၣ် (၁) တဝီ
လါဖ့ၤဘြူၤအါရံၤ ၂၉ သီ ၂၀၂၄ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ကညီသးစၢ်ကရၢ လီၢ်ခၢၣ်သးခီကရဲး (၆) ဝီတဝီ ၀ံၤအလီၢ်ခံ နံၣ်ကတၢၢ်တၢ်အိၣ်ဖှိၣ် (၁) တဘျီ ဘၣ်တၢ်မၤအီၤဖဲ ကညီသးစၢ်ကရၢ လီၢ်ခၢၣ်သးဝဲၤဒၢး ဖဲလါဖ့ၤဘြူၤအါရံၤ ၂၃ သီတုၤ ၂၅ သီအနံၤတဖၣ်န့ၣ်လီၤ.
နံၣ်ကတၢၢ်တၢ်အိၣ်ဖှိၣ်တဘျီအံၤ ကီၢ်ရ့ၣ် (၇) ဘ့ၣ်အပူၤ ကညီသးစၢ်ကရၢ, ကညီပိၥ်မုၣ်ကရၢ ခိၣ်နၢ်ခၢၣ်စးတဖၣ် ဒီး ကညီဘၣ်ကီဘၣ်ခဲဒဲကဝီၤ (၃) ဖျၢၣ်အပူၤ ကညီသးစၢ်ကရၢ, ကညီပိၥ်မုၣ်ကရၢ ခိၣ်နၢ်ခၢၣ်စးတဖၣ် ဒီး လီၢ်ခၢၣ်သး ကညီသးစၢ်ကရၢ ခိၣ်နၢ်ခၢၣ်စးတဖၣ် ဟဲထီၣ်ဝဲဒၣ်န့ၣ်လီၤ. ပှၤဟဲထီၣ်တၢ်အိၣ်ဖှိၣ်တဘျီအံၤ အိၣ်ဝဲအဂၤ (၅၀) ဘျဲၣ်န့ၣ်လီၤ. တၢ်အိၣ်ဖှိၣ်ဘျီဝဲအံၤအပူၤ တၢ်တၢၣ်ပီၣ်တဲသကိး ပဲၥ်ထံနီၤဖးသကိးဝဲ ကညီသးစၢ်ကရၢ အတၢ်ပၥ်ဖျါ, တကီၢ်ခါထံရူၢ်ကီၢ်သဲးတၢ်အိၣ်သး, ကညီသးစၢ်ဃုၥ်ဒီးကီၢ်ပယီၤပူၤသးစၢ်တဖၣ် အတၢ်ဘၣ်ကွၢ်ဆၢၣ်မဲၥ် တၢ်အိၣ်သးတဖၣ် တၢ်တၢၣ်ပီၣ်တဲသကိးအီၤန့ၣ်လီၤ.
တကီၢ်ခါ ထံရူၢ်ကီၢ်သဲးတၢ်အိၣ်သး တၢ်ဘၣ်ကွၢ်ဆၢၣ်မဲၥ်အဖီခိၣ် တၢ်ဖံးတၢ်မၤလၢ ကညီသးစၢ်ကရၢ ကဘၣ်ဖံးမၤဝဲတဖၣ် ဒ်အမ့ၢ် တၢ်ဆီၣ်ထွဲမၤစၢၤ ပှၤဂ့ၢ်ဝီတၢ်လိၣ် အတၢ်ဖံးတၢ်မၤတဖၣ် တၢ်တၢၣ်ပီၣ်တဲသကိး ဒီးပၥ်လီၤတၢ်ရဲၣ်တၢ်ကျဲၤ တကးဒံးဘၣ် ခါဆူညါတၢ်မၤလၢ တၢ်ကမၤအီၤတဖၣ် တၢ်တၢၣ်ပီၣ်တဲသကိးဝံၤ တၢ်ပၥ်လီၤဝဲတၢ်ရဲၣ်တၢ်ကျဲၤ န့ၢ်ဝဲဒၣ်န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
