Notice
ကီၢ်ရ့ၣ်တဖၣ်
ဒူသထူၣ်ကီၢ်ရ့ၣ် ကညီသးစၢ်ကရၢ ရဲၣ်ကျဲၤမၤဝဲ ကရူၢ်ပတီၢ် ကညီသးစၢ်ကရၢ ခီကရဲးဝံၤဝဲအဂ့ၢ်
လါဖ့ၤဘြူၤအါရံၤ (၇) သီ ၂၀၂၄ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် ဟီၣ်ကဝီၤပူၤ ဒူသဝီကရူၢ် (၁၅) ဘ့ၣ်အကျါ ကရူၢ် (၆) ဘ့ၣ်အပူၤ ဒူသထူၣ်ကီၢ်ရ့ၣ် ကညီသးစၢ်ကရၢ တီခိၣ်ရိၣ်မဲ ဒီးရဲၣ်ကျဲၤမၤဝဲ ကရူၢ်ပတီၢ် ကညီသးစၢ်ကရၢ ခီကရဲး ဝံၤဝဲလံ ဒီး တၢ်ကရၢကရိ သူၣ်ထီၣ်န့ၢ်ဝဲ ကညီသးစၢ်ကရၢ ဝံၤဝဲလံန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် တၢ်ပၢဟီၣ်ကဝီၤပူၤ ဒူသဝီကရူၢ်တဖၣ် ဒူသထူၣ်ကီၢ်ရ့ၣ် ကညီသးစၢ်ကရၢ တီခိၣ်ရိၣ်မဲ ဒီး ဖဲ ၂၀၂၃ နံၣ် လါနိၣ်ဝ့ဘၢၣ် ၂၈ သီအနံၤန့ၣ် တၢ်မၤဝဲ ကၠီၣ်တီၣ်ကရူၢ် ကညီသးစၢ်ကရၢ ခီကရဲး, ဖဲ ၂၀၂၃ နံၣ် လါနိၣ်ဝ့ဘၢၣ် ၂၉ သီအနံၤန့ၣ် တၢ်မၤဝဲ ၀ီၢ်ရီကရူၢ် ကညီသးစၢ်ကရၢ ခီကရဲး, ဖဲ ၂၀၂၃ နံၣ် လါနိၣ်ဝ့ဘၢၣ် ၃၀ သီအနံၤန့ၣ် တၢ်မၤဝဲ ကီးလဲၢ်ကရူၢ် ကညီသးစၢ်ကရၢ ခီကရဲး, ဖဲ ၂၀၂၃ နံၣ် လါဒံၣ်စ့ဘၢၣ် ၁ သီအနံၤန့ၣ် တၢ်မၤဝဲ တနူၣ်ကရူၢ် ကညီသးစၢ်ကရၢ ခီကရဲး, ဖဲ ၂၀၂၃ နံၣ် လါဒံၣ်စ့ဘၢၣ် ၂ သီအနံၤန့ၣ် တၢ်မၤဝဲ မၣ်ခၠၣ်ကရူၢ် ကညီသးစၢ်ကရၢ ခီကရဲး ဒီး ဖဲ ၂၀၂၃ နံၣ် လါဒံၣ်စ့ဘၢၣ် ၃ သီအနံၤန့ၣ် တၢ်မၤဝဲ မ့လွ့ၤကရူၢ် ကညီသးစၢ်ကရၢ ခီကရဲး န့ၣ်လီၤ. ကရူၢ် ၆ ဘ့ၣ်အပူၤ တၢ်မၤဝဲ ကရူၢ်ပတီၢ် ကညီသးစၢ်ကရၢ ခီကရဲးဝံၤဝဲ ဒီး တၢ်ဃုထၢထီၣ်ဝဲ ကရူၢ်ပတီၢ် ပၢဆှၢတၢ်ကမံးတံၥ် ၅ ဂၤ ဒီး ထီဘိကမံးတံၥ် (၁၁) ဂၤန့ၣ်လီၤ.
ဒူသဝီကရူၢ်ပတီၢ် တၢ်ဃုထၢပၥ်လီၤဝဲ ကရူၢ်ပတီၢ် ကညီသးစၢ်ကရၢ ထီဘိကမံးတံၥ် ဒီး ပၢဆှၢတၢ်ကမံးတံၥ်တဖၣ် တဘျီဃီ လၢကရူၢ်တဘ့ၣ်စုၥ်စုၥ် တၢ်ပၥ်လီၤဝဲ ခါဆူညါတၢ်မၤ လၢတၢ်ကမၤလိၣ်ထီၣ်ဖးထီၣ်အီၤ လၢ ၂ နံၣ်အတီၢ်ပူၤန့ၣ်လီၤ.
ကရူၢ်ပတီၢ် ကညီသးစၢ်ကရၢ ပၢဆှၢတၢ်ကမံးတံၥ်တဖၣ် ဟံးမူဒါ ဒ်အမ့ၢ် ကရူၢ်ပတီၢ် ကညီသးစၢ်ကရၢခိၣ်, နဲၣ်ရွဲၣ်, တၢ်ကရၢကရိဒီးတၢ်ဘိးဘၣ်ရၤလီၤမူဒါခိၣ်, ပှၤဂ့ၢ်ဝီမူဒါခိၣ်, တၢ်ရဲၣ်သဲကတီၤခိၣ်ဃၢၤန့ဆၢၣ် မူဒါခိၣ် ဒီး ပှၤတ၀ၢ တၢ်ဒိၣ်ထီၣ်ထီထီၣ် မူဒါခိၣ် သ့ၣ်တဖၣ်န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
